إزالة مسجل مكالمات جوجل المزعج من أجهزة شاومي

اهلا بكم اهلا ازيك يا شباب النهارده ان شاء الله هنعمل مراجعه قويه جدا ما بين شاومي نوت 9 اس و ريمي 6 جهازين من اقوى اجهزه الفئه المتوسطه لسنه 2020 كل جهاز منهم بيقدم مواصفات محترمه و امكانيات قويه لكن يا ترى مين اقوى من التاني واشتري مين فيهم انا مش هاقولك في المقارنة دي تشتري ايه فيهم و مين اقوى من الثاني انا بس هشرح مواصفات كل موبايل من الاتنين وهقول كل موبايل بيتميز باية عن التاني ونقاط ضعف وقوة كل موبايل من الاتنين وهنقسم المقارنة لعدة نقاط تصميم وشاشة واداء وبطارة وكاميرات وميزات اضافية تميز كل جهاز عن التاني 

1- أولا التصميم 

• ريلمي 6

الموبايل بيجي بتصميم بلاستيكي بالكامل وخامات الي حد ما مش افضل حاجة الخامات ضعيفة شوية التصميم بيجي مع خطوط لامعة مدية شكل جمالي حلو هنا يحصل الخلاف بين الزجاج والبلاستيك اشتري جهاز بخامات بلاستيك تتحمل ولا زجاج فخم وشكلة غالي بس عرضة للكسر كل واحد ولة راي بس انا اقولك لو بتوقع الموبايل كتير ومش محافظ خليك في البلاستيك اما لو هتحافظ علي الموبايل فالزجاج هيكون مميز ومديك احساس انك ماسك جهاز اغلي من تمنة كتير تصميم الكاميرات في ضهر التيلفون جاي بشكل عمودي تقليدي شفناة في موديلات كتيرة وشكل مفهوش شي مميز بالانتقال للكلام عن الواجهة الموبايل بيجي مع واجهة اغلبها شاشة مع حافة سفلية كبيرة نسبيا وكاميرا امامية عبارة عن ثقب في الشاشة جاي ناحية الشمال وحجمة كبير شوية كان ممكن يكون اصغر من كدا في المجمل التصميم هنديلة 6 من 10

• شاومي نوت 9s

الموبايل بيجي بتصميم زجاجي من الضهر محمي بطبقة حماية علي الضهر من نوع كورنينج جوريلا جلاس الجيل الخامس التصميم بمنتهي الصراحة شكلة وملمسة فخم جدا وان كان كلاسيكي شوية مفهوش تموجات كتير كمان تصميم الكاميرات الخلفية جاي بشكل مربع اسود مدي التيلفون شكل ومظهر حلو اووي مع شكل الفلاش اللي جاي تحتهم اما الواجهة فالموبايل بيجي مع شاشة بتشغل اغلب الواجهة مع حافة متوسطة نسبيا وكاميرا امامية ثقب في الشاشة بس جاية في المنتصف وحجمها صغير جدا اصغر من اللي موجودة في ريلمي 6 ففي المجمل التصميم مميز 
عن الموجود في ريلمي 6 نقدر نقيم التصميم ونديلة 8.50من 10

2- الشاشة 

• ريلمي 6

جهاز ريلمي 6 بيجي بشاشة بحجم 6.5 بوصة من نوع IPS LCD وبكثافة بكثلات حوالي 409 بيكسل في كل بوصة ومعدل سطوع للشاشة حوالي 450 نتس كمان لاول مرة في فئة الموبايل تجي الشاشة بمعدل تحديث 90 هيرتز واللي بيديك سلاسة ونعومة في التصفح وتجرية افضل من شاشات ال 60 هيرتز الوان الشاشة تميل للبرودة كعادة كل شاشات ال IPS بس ممكن تعدلها من جوة الشاشة محمية بطبقة حماية من نوع كورنينج جوريلا الجيل الثالث نقدر نقيم الشاشة ونديها 7.5 من 10 

*شاومي نوت 9s

الموبايل بجي بشاشة 6.67 بوصة يعني تقريبا 6.7 الشاشة حجمها كبير من نوعIPS LCD محمية بطبقة حماية من نوع كورنينج جوريلا جلاس الجيل الخامس الشاشة بدقة FHD+ وبكثافة بيكسلات 395 بيكسل لكل بوصة  60 هيرتز و سطوع الشاشة اقل من الموجود في ريلمي بحوالي 30 نتس الجهاز شاشتة هنا سطوعها الاقصي 420 نتس الوان الشاشة دافية شوية تقترب من الاموليد بس ممكن تعدل علي الالوان من الضبط الشاشة نقدر نقيمها ونديها 7 من 10

3- الاداء والمعالج 

• ريلمي 6

ريلمي 6 بيجي بالمعالج المخصص للجيمنج من ميديا تك هيليو جي90 تي واللي بيادي اداء مميز جدا من حيث المعالجة الرسومية وبيادي اداء ممتاز مع اغلب الالعال كمان في التنقل بين التطبيقات مميز جدا وسلس وسريع جدا يعاب علية ومن نقاط ضعفة السخونة الزيادة اللي ممكن تاثر علي اداء المعالج لو زادت عن الطبيعي غير كدا فهو معالج ممتاز في المجمل نديلة 8 من 10 

• شاومي نوت 9s

 الجهاز هنا بيجي بمعالج من نوع كوالكم سناب دراجون 720G ومعني حرف الG ان المعالج موجة للجيمنج والجرافيك اداء المعالج هنا مميز وقريب جدا لاداء الميدياتك هيليو جي90 تي مع تفوق ال جي 90 تي في اداء الالعاب بحوالي 12٪ وواحد تقريبا قي الاداء العادي فالمعالج عنا مميز وممتاز سواء في الالعاب او في التصفح مع الاخذ في الاعتبار ان المعالج هنا مش بيسخن اطلاقا بعكس ما هو موجود في معالج ميدياتك هيليو جي90 تي كمان المعالج جاي بمعمارية بناء حديثة وهيا 8 نانو متر الموفرة في الطاقة وهنتكلم عنها بالتفصيل لما نيجي لنقطة البطارية  نقيم المعالج هنا ب 8.5 من 10

5- الكاميرات 

• ريلمي 6

الموبايل جاي بكاميرا رباعية في الضهر الاولي بدقة 64 ميجا بيكسل مع فتحة عدسة 1.8 بمستشعر GW1 من سامسونج وكاميرا 8 ميجا بيكسل للزاوية العريضة ultrawide camera و كاميرا 2 ميجا للمايكرو و2 ميجا للعزل واخذ صور البورترية وتحديد الاطراف في المجمل الكاميرا ممزة جدا سواء العادية او الالترا وايد في التصوير بالنهار في مشكلة في التعامل مع الضوء الضعيف وبيكون في نويز كبير وملحوظ ممكن تتحل بتحديث لكن الي الان سيئة بالليل كاميرا الزاوية العريضة مفيش عليها اي ملحوظات سلبية مميزة ومفيدة جدا وكاميرا المايكرو غير ذات اهمية و العزل كويس في التيلفون متوسط مش ممتاز بس كويس في فئتة الكاميرا بتصور 4Kبمعدل 30 اطار في الثانية و FHD بمعدل 60 اطار مع مثبت الكتروني في التصوير FHD فقط EIS للامانة اداءة مش افضل حاجة لازم تحديث يعالح المشكلة دي 

الكاميرا الامامية 16 ميجا جيدة في الاضاءة القوية وضعيفة في الاضاءة القليلة تصور فيديو بدقة 1080P

• شاومي نوت9s

الجهاز بيجي بكاميرا رباعية الرئيسية بدقة 48 ميجا بيكسل مع مستشعر mW2من سامسونج المطور وفتحة عدسة F/1,8 وكاميرا 8 ميجا بيكسل زاوية عريضة ultrawide camera وعدسة 5 ميجا بيكسل للمايكرو و 2 ميجا للعزل 

ادا الكاميرا كويس جدا ويعالج الالوان جيدا في الاضاءة القوية وينتج صور جيدة في اغلب ظروف الاضاءة مع معالجة كوالكم المميزة بالليل الموبايل مميز جدا في النقطة دي بيطلع صور مع اقل نويز ممكن في الصور الوضع الليلي ايضا تطور جيدا وينتج نتائج ممتازة الجهاز يدعم جوجل كاميرا بعكس جهاز ريلمي 6 والتي تنتج صور ممتازة الكاميرا الالترا وايد كويسة جدا تقريبا واحد مع الموجودة في ريلمي 6 وال 5 ميجا الميكرو غير ذات قيمة والعزل كويس جدا في الموبايل الموبايل بيصور فيديو بدقة 4K بمعدل اطارات 30 اطار في الثانية ويدعم التصوير FHD مع مثبت الكتروني للفيديو EIS ويعمل بشكل جيد جدا عن ما هو موجود في ريلمي 6 

بالنسبة للكاميرا الامامية فهي جيدة جدا بالنهار وبالضاءة الممتازة بالصور الليلية سيئة جدا بسبب فتحة العدسة الضيقة والتي تبلغ F/2,5

6- البطارية 

• ريلمي 6 

 ياتي هاتف ريلمي 6 مع بطارية 4300 ملي امبير تدعم الشحن السريع حتي 30 واط والشاحن موجود في العلبة اداء البطارية نقدر نقيمة متوسط البطارية حجمها كبير فعلا لكن المعالج يستهلك طاقة اعلي من الطبيعي و ايضا عند تفعيل ميزة ال 90 هيرتز فهي تاخذ من البطارية بشكى كبير الميزة المميزة في الهاتف والتي تغطي هذة المشكلة هي سرعة الشحن المهولة اللي بتشحن الموبايل بالكامل في اقل من ساعة حوالي 53 دقيقة 

• شاومي نوت 9s

 الجهاز ياتي مع بطارية عملاقة بحجم 5020 ملي امبير وتدعم الشحن السريع 18 واط ومرفق في العلبة شاحن 22.5 واط ولشرح ذلك الامر في كلمتين وببساطة الموبايل بيدعم الشحن السريع حتي 33 واط لكن الشركة قافلاة عن عمد عن طريق السوفت وير وهتطرح تحديث قريب يفتح الشحن حتي 22.5 واط اداء البطارية بالحجم الكبير دا ممتاز مع المعالج الموفر للطاقة والشاشة ال60 هيرتز اللي مش بتاثر علي اداء البطارية 

7- مميزات إضافية 

* ريلمي 6
ريلمي 6 بيجي مع شاشة 90 هيرنز ومعدل استجابة للمس عالية مش موجودة في شاومي نوت 9اس


• شاومي نوت 9s

بيجي مع ir للنحكم في الأجهزة المنزلية كمان بيجي مع لمبة اشعارات 

                                                                    ************

وفي الختام دة رايي بناء علي تجربة شخصية مع الجهازين وسوال بعض الاصدقاء اللي معاهم الاجهزة احب اكد ان الاراء دي من واقع تجربة فعلية